|
Ҷилди II: КУШТА ШУДАНИ СӮҲРОБ АЗ РУСТАМ
Ба хок андаромад чунин ёли ман.
Нишон дод модар маро аз падар,
Зи меҳр андаромад равонам ба сар.
Ҳаме ҷустамаш, то бубинам-ш рӯй,
Чунин ҷон бидодам бад-ин орзуй.
Дареғо, ки ранҷам наёмад ба сар,
Надидам, дар ин ҳеч рӯи падар.
Кунун гар ту дар об моҳӣ шавӣ,
Ва ё чун шаб андар сиёҳӣ шавӣ,
Ва ё чун ситора шавӣ бар сипеҳр,
Бибуррӣ зи рӯи замин пок меҳр,
Бихоҳад ҳам аз ту падар кини ман,
Чу бинад, ки хишт аст болини ман.
Аз он номдорони гарданкашон
Касе ҳам барад назди Рустам нишон, 1 2 3 4 5 6 7 8 9 10 11 12 13 14 15 16 >>> |