|
Ҷилди II: КУШТА ШУДАНИ СӮҲРОБ АЗ РУСТАМ
Писарро бикуштам ба пиронасар,
Бурида паю бехи он номвар.
Дарида ҷигаргоҳи пури ҷавон,
Бигиряд бар ӯ чарх то ҷовидон.»
Фиристод наздики Ҳумон паём,
Ки шамшери кин монд андар ниём.
Нигаҳдори он лашкар акнун тувӣ,
Нигаҳ кун бад-эшон, магар нағнавӣ,
Ки бо ту маро рӯзи пайкор нест,
Ҳамон беш аз ин ҷои гуфтор нест.
Ту аз зиштхӯӣ нагуфтӣ варо,
Бар оташ задӣ ҷону дида маро.
Бародар-шро гуфт пас паҳлавон,
Ки баргард, эй гурди равшанравон.
1 2 3 4 5 6 7 8 9 10 11 12 13 14 15 16 >>> |
