|
Ҷилди II: КУШТА ШУДАНИ СӮҲРОБ АЗ РУСТАМ
Басе з-ӯ нишони ту пурсидаам,
Ҳама буд хаёли ту дар дидаам.
Ҷуз он буд яксар суханҳои ӯй,
Аз ӯ боз монад тиҳӣ ҷои ӯй!
Чу гаштам зи гуфтори ӯ ноумед
Шудам лоҷарам тира рӯзи сапед.
Бубин, то кадоме аз эрониён
Набояд, ки ояд ба ҷонаш зиён.
Нишоне, ки буд дода модар маро
Бидидам, набуд дида бовар маро.
Чунинам навишта буд ахтар ба сар,
Ки ман кушта гардам ба дасти падар.
Чу барқ омадам, рафтам акнун чу бод,
Ба мину магар бинамат боз шод.»
Зи сахтӣ ба Рустам фурӯ баст дам,
1 2 3 4 5 6 7 8 9 10 11 12 13 14 15 16 >>> |
