|
Ҷилди II: КУШТА ШУДАНИ СӮҲРОБ АЗ РУСТАМ
Маро гуфт, к-ин аз падар ёдгор,
Бидору бубин, то кай ояд ба кор.
Кунун коргар шуд, ки бекор гашт,
Писар пеши чашми падар хор гашт.»
Чу букшод хафтону он мӯҳра дид,
Ҳама ҷома бар хештан бардарид.
Ҳаме гуфт, к- «Эй кушта бар дасти ман,
Далеру ситуда ба ҳар анҷуман!»
Ҳамерехт хуну ҳамеканд мӯй,
Сараш пур зи хоку пур аз об рӯй.
Бад-ӯ гуфт Сӯҳроб, к-«Ин бадтарист,
Ба оби ду дида набояд гирист.
Аз ин хештан куштан акнун чӣ суд,
Чунин рафту ин буданӣ кор буд.»
1 2 3 4 5 6 7 8 9 10 11 12 13 14 15 16 >>> |
