|
Ҷилди II: АФКАНДАНИ СӮҲРОБ РУСТАМРО
Ҳаме тохт Сӯҳроб чун пили маст,
Каманде ба бозу, камоне ба даст.
Гурозону чун шер наъразанон,
Самандаш ҷаҳону ҷаҳонро канон.
Бар он гуна Рустам чу ӯро бидид,
Аҷаб монд дар вай, ҳаме бингарид.
Ғамин гашту з-ӯ монд андар шигифт,
Зи пайкораш андозаҳо баргирифт.
Чу Сӯҳроб боз омад, ӯро бидид,
Зи боди ҷавонӣ дилаш бардамид.
Чу наздиктар шуд бад-ӯ бингарид,
Мар ӯро бад-он фарру он зӯр дид.
Чунин гуфт, к-эй раста аз чанги шер,
Чаро омадӣ боз наздам далер?
Чаро омадӣ боз пешам? Бигӯй!
1 2 3 4 5 6 7 8 9 10 11 12 13 14 >>> |
