|
Ҷилди II: АФКАНДАНИ СӮҲРОБ РУСТАМРО
Бад-ӯ гуфт Сӯҳроб, к-«Эй марди пир,
Агар нест панди манат ҷойгир.
Маро орзу буд, ки бар бистарат
Барояд ба ҳангом ҳуш аз барат.
Касе, к-аз ту монад сутудон кунад,
Бипаррад равон, тан ба зиндон кунад.
Агар ҳуши ту зери дасти ман аст,
Ба фармони Яздон барорам зи даст.»
Зи аспони ҷангӣ фуруд омаданд,
Ҳушивор бо кабру хӯд омаданд.
Бубастанд бар санг аспи набард,
Бирафтанд ҳар ду равон пур зи дард.
Чу шерон ба куштӣ баровехтанд,
Зи танҳо хаю хун ҳаме рехтанд.
1 2 3 4 5 6 7 8 9 10 11 12 13 14 >>> |
