|
Ҷилди II: АФКАНДАНИ СӮҲРОБ РУСТАМРО
Ҳаме хост пирӯзиву дастгоҳ,
Набуд огаҳ аз бахши хуршеду моҳ,
Ки чун рафт хоҳад сипеҳр аз бараш,
Бихоҳад рабудан кулоҳ аз сараш.
Шунидам, ки Рустам зи оғози кор
Чунин ёфт нерӯ зи парвардгор,
Ки гар сангро ӯ ба сар баршудӣ,
Хаме ҳар ду пояш бад-ӯ даршудӣ.
Аз он рӯз пайваста ранҷур буд,
Дили ӯ аз он орзу дур буд.
Бинолид бар кирдгори ҷаҳон,
Ба зорӣ ҳаме орзу кард он,
Ки лахте зи зӯраш ситонад ҳаме,
Ки рафтан ба раҳ-бар тавонад ҳаме.
1 2 3 4 5 6 7 8 9 10 11 12 13 14 >>> |
