|
Ҷилди V: РАЗМ ХОСТАНИ ҲУМОН АЗ ГУДАРЗ
Якеро ба пеши ман овар ба ҷанг,
Агар ҷангҷӯӣ, чӣ ҷӯӣ диранг?”
Бас андеша кард андар он паҳлавон,
Ки пешаш кӣ ояд ба ҷанг аз гавон.
Гар аз номдорон ҳизарби дамон
Фиристам ба наздики ин бадгумон,
Шавад кушта, Ҳумон бар ин размгоҳ,
Зи туркон наёяд касе кинахоҳ.
Дили паҳлавоншон бупечад зи дард,
В-аз он пас ба тундӣ наҷӯяд набард.
Сипоҳаш ба кӯҳи Канобад шавад,
Ба ҷанг- андарун дасти мо бад шавад.
В-ар аз номдорони ин анҷуман
Яке кам шавад, гум шавад номи ман.
1 2 3 4 5 6 7 8 9 10 11 >>> |
