|
Ҷилди II: ОГОҲӢ ЁФТАНИ МОДАР АЗ КУШТА ШУДАНИ СӮҲРОБ
Падар ҷустӣ, эй гурди лашкарпаноҳ,
Ба ҷои падар гӯрат омад ба роҳ.
Аз уммед навмед гаштӣ ту зор,
Бихуфтӣ ба хок-андарун зору хор.
Аз он пеш, к-ӯ дашнаро баркашид,
Ҷигаргоҳи симини ту бардарид,
Чаро он нишоне, ки модар-т дод,
Надодӣ бар ӯ- бар, накардиш ёд?
Нишон дода буд аз падар модарат,
Зи баҳри чӣ н-омад ҳаме боварат?
Кунун модарат монд бе ту асир,
Пур аз ранҷу тимору дарду заҳир.
Чаро н-омадам бо ту андар сафар,
Ки гаштӣ ба гурдони гетӣ самар?
1 2 3 4 5 6 7 8 9 >>> |
