|
Ҷилди II: ОГОҲӢ ЁФТАНИ МОДАР АЗ КУШТА ШУДАНИ СӮҲРОБ
Маро Рустам аз дур бишнохтӣ,
Туро бо ман, эй пур бинвохтӣ.
Бияндохтӣ теғ он сарфароз
Накардӣ ҷигаргоҳат, эй пур, боз.»
Ҳаме гуфту мехасту меканд мӯй,
Ҳаме зад кафи даст бар хуб рӯй.
Зи бас, к-ӯ ҳаме шевану нола кард,
Ҳама халқро чашм пуржола кард.
Бар ин гуна беҳуш бияфтод паст,
Ҳама халқро дил бар ӯ-бар бихаст.
Бияфтод бар хок, чун мурда гашт,
Ту гуфтӣ, ҳаме хунаш афсурда гашт.
Ба ҳуш омаду боз нолиш гирифт,
Бар он пури кушта сиголиш гирифт.
1 2 3 4 5 6 7 8 9 >>> |
