|
Ҷилди II: ТОХТАНИ СӮҲРОБ БАР ЛАШКАРИ КОВУС
В-аз он пас далерон шуданд анҷуман,
Бигуфтанд, к-инат гави пилтан!
Нашояд нигаҳ кардан осон бад-ӯй,
Кӣ ёрад шудан пеши ӯ ҷангҷӯй?
В-аз он пас хурӯшид Сӯҳроби гурд,
Ҳаме шоҳ Ковусро баршумурд.
Чунин гуфт, к-«Эй шоҳи озодмард,
Чигуна-ст корат ба дашти набард?
Чаро кардаӣ ном Ковуси кай,
Ки дар ҷанги шерон надорӣ ту пай?
Гар ин найза дар мушт печон кунам,
Сипоҳи туро ҷумла беҷон кунам.
Яке сахт савганд хӯрдам ба базм,
Бад-он шаб, куҷо кушта шуд Жандаразм,
1 2 3 4 5 6 7 8 9 >>> |