|
Ҷилди II: ТОХТАНИ СӮҲРОБ БАР ЛАШКАРИ КОВУС
Чӣ кардам, ситора гувои ман аст,
Ба мардӣ ҷаҳон зери пои ман аст.
Ҳаме раҳмат орад ба ту бар дилам,
Нахоҳам, ки ҷонат зи тан бигсилам.
Намонӣ ба туркон бад-ин ёлу суфт,
Ба Эрон надонам туро низ ҷуфт».
Чу омад зи Рустам чунин гуфтугӯй,
Биҷунбид Сӯҳробро дил бад-ӯй.
Бад-ӯ гуфт к-«Аз ту бипурсам сухун,
Ҳама ростӣ бояд афканд бун.
Якояк нажодат маро ёд дор,
Зи гуфтори хубат маро шод дор.
Ман эдун гумонам, ки ту Рустамӣ,
Ки аз тухмаи номвар Найрамӣ».
1 2 3 4 5 6 7 8 9 >>> |
