|
Ҷилди V: ФИРИСТОДАНИ КАЙХУСРАВ ГУДАРЗРО
БА ҶАНГИ ТУРОНИЁН
Чу Дастони Рустам, чу Гударзу Гев,
Чу Шедушу Фарҳоду Руҳҳоми нев,
Дигар Бежану Ашкашу Густаҳам
Чу Гургину чун Зангаву Гуждаҳам,
Чу Туси сарафрози Нӯзарнажод,
Фарибурзи Ковуси фаррухниҳод.
Ҷуз ин номдорони лашкар ҳама,
Ки буданд шоҳи ҷаҳонро рама.
Або паҳлавонон чунин гуфт шоҳ,
Ки “Туркон ҳама разм ҷӯянду гоҳ.
Чу душман сипаҳ сохт, шуд тезчанг,
Бибояд басечид моро ба ҷанг.*
Бифармуд, то бар дараш говдум
Заданду биҷӯшид рӯинахум.
1 2 3 4 5 6 7 8 9 10 11 12 >>> |
