|
Ҷилди V: ФИРИСТОДАНИ КАЙХУСРАВ ГУДАРЗРО
БА ҶАНГИ ТУРОНИЁН
Аз айвон ба майдон хиромид шоҳ,
Биёростанд аз бари пил гоҳ.
Бизад мӯҳра дар ҷом бар пушти пил,
Заминро ту гуфтӣ барандуд нил.
Ҳаво шуд сиёҳу замин нилранг
Далерони лашкар ба сони паланг.
Ба ҷанг- андарун гурзу дил пур зи кин,
Чу дарёи ҷӯшон зи гурдон замин.
Хурӯше баромад зи даргоҳи шоҳ,
Ки эй паҳлавонони эронсипоҳ,
Касе к-ӯ бисояд инону рикеб,
Набояд, ки гирад ба хона шикеб.
Бифармуд, к-аз Руму аз Ҳиндувон
Саворони ҷангу ялону гавон, 1 2 3 4 5 6 7 8 9 10 11 12 >>> |