|
Ҷилди II: ОШИҚ ШУДАНИ СУДОБА БАР СИЁВУШ
Чӣ омӯзам андар шабистони моҳ?
Ба дониш занон кай намоянд роҳ?
Гар эдун, ки фармони шоҳ ин бувад,
Аз он пас маро рафтан оин бувад».
Бад-ӯ гуфт шоҳ: Эй писар, шод бош,
Ҳамеша хирадро ту бунёд бош.
Сухан кам шунидам бад-ин некувӣ,
Физояд ҳаме мағз, к-ин бишнавӣ.
Мадор эч андешаи бад ба дил,
Ҳаме шодӣ орою ғам баргусил.
Бубин ту ҳаме кӯдаконро яке,
Магар шодмона шаванд андаке».
Сиёвуш чунин гуфт, к-«Аз бомдод
Биёям, кунам ҳар чӣ шаҳ кард ёд.
Ман инак ба пеши ту истодаам, 1 2 3 4 5 6 >>> |