|
Ҷилди II: БОЗГАШТАНИ РУСТАМ БА ЗОБУЛИСТОН
Ҳама дил пур аз дарду сар пур зи хок.
Ҳама кох тобут буд сар ба сар,
Ғунуда ба сандуқ-дар шери нар.
Ту гуфтӣ, ки Сом аст боёлу суфт,
Ғамин шуд зи ҷанг, андаромад, бихуфт.
Бипӯшид бозаш ба дебои зард,
Сари тангтобутро сахт кард.
Ҳаме гуфт: Агар дахма заррин кунам,
Зи мушки сияҳ гардаш огин кунам,
Чу ман рафта бошам, намонад ба ҷой,
В-агарна маро худ ҷуз ин нест рой.
Яке дахма кардаш чу сумми сутур,
Ҷаҳоне зи зорӣ ҳаме гашт кӯр.
Тарошид тобуташ аз уди хом,
Бар ӯ барзада банди заррин ситом.
1 2 3 4 5 6 7 >>> |
