|
Ҷилди II: БОЗГАШТАНИ РУСТАМ БА ЗОБУЛИСТОН
Дилаш пур зи дарду рухаш пур зи гард.
Чу Рустам чунон дид, бигрист зор,
Биборид аз дида хун бар канор.
Ту гуфтӣ магар растахез омадаст,
Ки дилро зи шодӣ гурез омадаст.
Дигарбора тобути Сӯҳроби шер
Биёвард, пеши меҳони далер.
Аз он тахта барканду бикшод сар,
Кафан з-ӯ ҷудо кард пеши падар.
Танашро бад-он номдорон намуд,
Ту гуфтӣ, ки аз чарх бархост дуд.
Ҳар он кас, ки буданд пиру ҷавон,
Зану мард гашта ҳама бетавон.
Ҳама рух кабуду ҳама ҷома чок,
Ҳама дил пур аз дарду сар пур зи хок.
1 2 3 4 5 6 7 >>> |
