|
Ҷилди II: ОМАДАНИ ТАҲМИНА – ДУХТАРИ ШОҲИ
САМАНГОН БА НАЗДИ РУСТАМ
Аз ӯ Рустами шердил хира монд,
Бар ӯ-бар ҷаҳонофаринро бихонд.
Бипурсид аз ӯ, гуфт: «Номи ту чист?
Чӣ ҷӯӣ шаби тира, коми ту чист?»
Чунин дод посух, ки «Таҳминаам,
Ту гӯӣ, ки аз ғам ба ду нимаам.
Яке духти шоҳи Самангон манам,
Зи пушти ҳизабру палангон манам.
Ба гетӣ зи шоҳон маро ҷуфт нест,
Чу ман зери чархи барин андакест.
Зи парда бурун кас надида маро,
На ҳаргиз кас ово шунида маро.
Ба кирдори афсона аз ҳар касе
Шунидам ҳаме достонат басе,
Ки аз деву шеру палангу наҳанг 1 2 3 4 5 6 7 >>> |