|
Ҷилди II: БОЗ ОВАРДАНИ РУСТАМ КОВУСРО
Ки то моҳу хуршедро бингарад,
Ситора ҳама як ба як бишмарад.
Чунон кун, ки бедоршоҳон кунанд,
Ситояндаву некхоҳон кунанд.
Ҷуз аз бандагӣ то тавонӣ, маҷӯй,
Мазан даст дар неку бад ҷуз бад-ӯй».
Фурӯ монд Ковусу ташвир х(в)ард.
Аз он номдорону мардони мард.
Чунин дод посух, ки аз ростӣ
Наёяд ба дод - андарун костӣ.
Ҳама дод гуфтиву бедод нест,
Зи доми ту ҷони ман озод нест.
Ҳаме рехт аз дидагон оби зард,
Ҳаме аз ҷаҳонофарин ёд кард.
Басечиду андар иморӣ нишаст, 1 2 3 4 5 6 7 >>> |