|
Ҷилди II: БОЗ ОВАРДАНИ РУСТАМ КОВУСРО
Зи ҳар кишваре номвар меҳтаре,
Ки бар сар ниҳодӣ баланд афсаре,
Ба даргоҳи Ковусшоҳ омаданд,
В-аз он сар кашидан ба роҳ омаданд.
Замона чунон шуд, ки буд аз нахуст,
Ба меҳру вафо тоҷи хусрав бишуст.
Ҳама меҳтарон кеҳтари ӯ шуданд,
Парастандаву чокари ӯ шуданд.
Нишаст аз бари тахти гавҳарнигор
Або тоҷу бо гурзаи говсар.
Дар ин достон гуфтам, он кам шунуд,
Чунин ёд ҳаргиз касеро набуд.
Чунин буд оини шоҳи ҷаҳон,
Чунин буд Рустам сари паҳлавон.
1 2 3 4 5 6 7 >>> |
