|
Ҷилди II: ҶАНГИ РУСТАМ БО АФРОСИЁБ
Чу Афросиёбаш ба ҳомун бидид,
Шигифтид аз он кӯдаки норасид.
Зи гурдон бипурсид, к-ин аждаҳо
Бад-ин гуна аз банд гашта раҳо,
Кадом аст, к-инро надонам ба ном?
Яке гуфт, к-ин пури Дастони Сом
Набинӣ, ки бо гурзи Сом омадаст,
Ҷавон асту ҷӯёи ном омадаст.
Ба пеши сипаҳ омад Афросиёб,
Чу киштӣ, ки мавҷаш барорад зи об.
Чу Рустам варо дид, бифшорд рон,
Ба гардан баровард гурзи гарон.
Чу танг андаровард бо ӯ замин,
Фурӯ кард гурзи гаронро ба зин.
Ба банди камар-ш андаровехт чанг,
1 2 3 4 5 6 7 8 >>> |
