|
Ҷилди V: РАЗМ ХОСТАНИ ҲУМОН АЗ РУҲҲОМ
Ки Ҳумон аз он размгаҳ чун паланг,
Сӯи паҳлавон андаромад ба ҷанг.
Зи пеши талоя чу Ҳумон бирафт,
Биёмад ба наздики Руҳҳом тафт.
В-аз он ҷо хурӯше баровард сахт,
Ки эй пури солори ҳушёрбахт,
Биҷунбон инон андар ин размгоҳ,
Миёни ду саф баркашида сипоҳ,
Чапи лашкару ҷанги шерон туӣ,
Нигаҳбону солори Эрон туӣ.
Ба овард бо ман бибояд-т гашт,
Сӯи рӯд хоҳиву гар кӯҳу дашт.
В-агар ту наёӣ, магар Густаҳам
Биёяд дамон бо Фирӯҳил ба ҳам, 1 2 3 4 5 6 7 >>> |