|
Ҷилди II: ЗОРӢ КАРДАНИ РУСТАМ БАР СӮҲРОБ
Чу андешае буд, гардад дароз,
Ҳаме гашт бояд сӯи хок боз.
Агар чархро ҳаст аз ин огаҳӣ,
Ҳамоно, ки гаштаст мағзаш тиҳӣ.
Чунон дон, к-аз ин гардиш огоҳ нест,
Ба чуну чаро сӯи ӯ роҳ нест.
Бад-ин рафтан акнун набояд гирист.
Надонем, фарҷоми ин кор чист?
Зи Сӯҳроб чун шуд хабар назди шоҳ,
Биёмад ба наздики ӯ бо сипоҳ.
Ба Рустам чунин гуфт Ковуси кай,
Ки «Аз кӯҳи Албурз то барги най
Ҳаме бурд хоҳад ба гардиш сипеҳр,
Набояд фикандан бад-ин хок меҳр.
1 2 3 4 5 6 7 8 9 >>> |
