|
Ҷилди II: НӮШДОРУ ХОСТАНИ РУСТАМ АЗ КОВУС
Биёмад сипаҳбад ба кирдори бод,
Ба Ковус яксар паёмаш бидод.
Бад-ӯ гуфт Ковус, к-«Аз пилтан
Киро бештар об наздики ман?
Нахоҳам, ки ӯро бад ояд ба рӯй,
Ки ҳасташ басе назди ман обрӯй.
Валекин агар доруи нӯш ман
Диҳам, зинда монад яли пилтан,
Кунад паст Рустам ба неру туро,
Ҳалок оварад бегумон мар маро.
Агар як замон з-ӯ ба ман бад расад,
Насозем подоши ӯ ҷуз ба бад.
Шунидӣ, ки ӯ гуфт Ковус кист?
Гар ӯ шаҳрёр аст, пас Тус кист?
1 2 3 >>> |