|
Ҷилди II: РАЗМИ РУСТАМ БО СӮҲРОБ
Ду шеравжан аз ҷанг сер омаданд,
Табаҳ гаштаву хаста, дер омаданд.
Дигарбора Сӯҳроб гурзи гарон
Зи зин бакашиду бияфшурд рон.
Бизад гурзу овард китфаш ба дард,
Бипечиду дард аз далерӣ бих(в)ард.
Бихандид Сӯҳробу гуфт: «Эй савор,
Ба захми далерон наӣ пойдор!
Ба зер - андарат Рахш гӯӣ хар аст,
Ду дасти савор аз ҳама бадтар аст.»
Агарчи гаве сарвболо бувад,
Ҷавонӣ кунад пир, коно бувад.
Ба пастӣ расид ин аз он, он аз ин,
Чунон танг шуд бар далерон замин,
Ки аз якдигар рӯй баргоштанд, 1 2 3 4 5 6 7 >>> |