|
Ҷилди II: ПУРСИДАНИ СӮҲРОБ НОМИ
САРДОРОНИ ЭРОН АЗ ҲАҶИР
Замона набишта дигаргуна дошт,
Чунон, к-ӯ гузорад, бибояд гузошт.
Чу дил барниҳӣ дар сарои сипанҷ,
Ҳама заҳр з-ӯ биниву дарду ранҷ.
Дигарбора пурсид аз ӯ сарфароз,
Аз он к-аш ба дидори ӯ буд ниёз.
Аз он пардаи сабзу аспи баланд,
В-аз он марду он тобдода каманд.
В-аз он пас Ҳаҷири сипаҳбад-ш гуфт,
Ки «Аз ту суханро набояд нуҳуфт.
Гар аз номи чинӣ бимонам ҳаме,
Аз он аст, к-ӯро надонам ҳаме.»
Бад-ӯ гуфт Сӯҳроб, к-«Ин нест дод,
Зи Рустам накардӣ сухан ҳеч ёд.
1 2 3 4 5 6 7 8 9 10 11 12 13 14 15 16 17 18 19 >>> |
