|
Ҷилди II: РАЗМИ ПИЛСАМ БО ЭРОНИЁН
Диловар нашуд ҳеч гуна зи ранг,
Миёни далерон даромад ба ҷанг.
Гаҳе теғ зад, гоҳ гурзи гарон,
Чунин то фурӯ монд дасти сарон.
Чу Пирон зи қалби сипаҳ бингарид,
Бародар бад-он ҷой бечора дид.
Ба ёрӣ биёмад бараш тозиён,
Хурӯшону ҷӯшону наъразанон.
Чунин гуфт бо Гев, к-«Эй номдор,
Шуморо ҳунар нест дар корзор,
Ки бо номдоре ба кирдори шер
Шуда ҷангҷӯ чор гурди далер.»
Бигуфт ину бар саркашон ҳамла кард,
Баромад аз он размгаҳ тира гард.
1 2 3 4 5 6 7 8 9 10 11 12 13 >>> |
