|
Ҷилди II: ДОСТОНИ ҶАНГИ ҲАФТ ГУРДОН
В-аз он ҳафт гурди савори далер,
Ки буданд ҳар як ба кирдори шер ,
Чунин гуфт бо номдорони ҷанг,
Ки «Моро кунун нест ҷои диранг.
Бибояд кунун чорае сохтан,
Ба ногоҳ бурдан яке тохтан.
Гар ин ҳафт ялро ба чанг оварем,
Ҷаҳон пеши Ковус танг оварем.
Ба кирдори нахчир бояд шудан,
Сипаҳро ба ногаҳ бар эшон задан.»
Гузин кард шамшерзан сӣ ҳазор,
Ҳама номдор аз дари корзор.
Чунин гуфт, к-«Аз роҳ яксӯ шавед,
Шабу рӯз аз тохтан нағнавед!»
1 2 3 4 5 6 7 8 9 10 11 12 >>> |
