|
Ҷилди II: БА ЗАНӢ ХОСТАНИ КОВУС СУДОБА –
ДУХТАРИ ШОҲИ ҲОМОВАРОНРО
Чу бишнид солори Ҳомоварон,
Дилаш гашт пурдарду сар шуд гарон.
Ба дил гуфт ҳарчанд, к-ӯ подшост,
Ҷаҳондору пирӯзу фармонравост,
Маро дар ҷаҳон ин яке духтар аст,
Ки аз ҷони ширин гиромитар аст.
Фиристодаро гар кунам сарду хор,
Надорам паю мояи корзор.
Ҳамон беҳ, ки ин дардро низ чашм
Бихобем бар дил, бипӯшем хашм.
Чунин гуфт бо марди ширинсухун,
Ки сар нест ин орзуро, на бун.
Ҳаме хоҳад аз ман гиромӣ ду чиз,
Ки онро се дигар надонем низ.
1 2 3 4 5 6 7 8 >>> |