|
Ҷилди I: ГУФТОР ДАР ОФАРИНИШИ ОЛАМ
Заминро баландӣ набуд ҷойгоҳ,
Яке маркази тира буду сиёҳ.
Ситора ба сар-бар шигифтӣ намуд,
Ба хок-андарун равшаноӣ фузуд.
Ҳаме бар шуд оташ, фуруд омад об,
Ҳаме гашт гирди замин офтоб.
Гиё руст бо чанд гуна дарахт,
Ба боло баромад сароншон зи бахт,
Биболад, надорад ҷуз ин неруе,
Напӯяд чу пӯяндагон ҳар суе.
В-аз он пас чу ҷунбанда омад падид.
Ҳама рустанӣ зери хеш оварид.
Хуру хобу ором ҷӯяд ҳаме,
В-аз он зиндагӣ ком ҷӯяд ҳаме.
1 2 3 >>> |
