* * *

Чунин ки гашта макони ман ошёни камон,
Диҳӣ салом, алайкат диҳад даҳони камон.

Забони давлатӣ айдун забони модар нест,
Забон забони камону баён баёни камон.

Камони абруи ҷонон намезанад тире,
Замин замини камону замон замони камон.

Камони қомати пирон насохт тадбире,
Ҷаҳони панди ниёгон шуда ҷаҳони камон.

Дигар фулону чуноне магӯ ба ину ба он,
Фулон фулони камону чунон чунони камон.

Нишони одамӣ аз ҳеҷ одаме маталаб,
Нишони одамӣ гардида худ нишони камон.

Дареғу дард, ки дар зери чархи дӯлобӣ
Қирони мардуми тоҷик нашуд қирони камон.