|
Ҷилди V: Гурехтани Афросиёб аз дасти Ҳум
Чу он шоҳро Ҳум бозу бубаст,
Ҳаме бурд ӯро зи ҷои нишаст.
Бад-ӯ гуфт, эй марди ботарсу бок,
Парастору донанда* Яздони пок.
Чӣ хоҳӣ зи ман, ман киям дар ҷаҳон,
Нишаста дар ин ғори бебун ниҳон?»
Бад-ӯ гуфт Ҳум: «Ин на ороми туст,
Ҷаҳоне саросар пур аз номи туст.
Зи шоҳони гетӣ бародар кӣ кушт?
Кӣ шуд низ бо покяздон дурушт?
Чу Ағрирасу Нӯзари номдор
Сиёвуш, ки буд аз каён ёдгор,
Ту хуни сари шаҳрёрон марез,
На аз гоҳ дар ғори бебун гурез».
1 2 3 4 5 6 >>> |