|
Ҷилди V: Пайғом фиристодани Афросиёб
ба наздики Кайхусрав
Ба Шеда бигуфт: «Эй ҷаҳондор* пур,
Ки бодо бад аз рӯзгори ту дур,
Чу бо Хусрав оҳанг дорӣ ба ҷанг,
Магардон дили худ бар ин кор танг .
Бирав, к-офаринандаат ёр бод,
Сари бадсиголат нагунсор бод!
Ба Кайхусрав аз ман паёме расон,
Бигӯяш, ки гетӣ дигар шуд ба сон.
Набера, ки ҷанг оварад бо ниё,
Сараш пурбадӣ бошаду кимиё.
Чунин буд рои ҷаҳонофарин,
Ки гардад ҷаҳон пур зи пархошу кин.
Сиёвуш на бар бегунаҳ кушта шуд,
Аз омӯзгорон сараш гашта шуд.
1 2 3 4 5 6 7 8 9 10 11 >>> |
