|
Ҷилди I: АНДАРЗ КАРДАНИ МАНУЧЕҲР
ПИСАРАШРО
Чу соли Манучеҳр шуд бар ду шаст,
Зи гетӣ ҳаме бори рафтан бибаст.
Ситорашиносон бари ӯ шуданд,
Ҳаме з-осмон достонҳо заданд.
Надиданд рӯзаш кашидан дароз,
Зи гетӣ ҳаме гашт боист боз.
Бидоданд з-он рӯзи талх огаҳӣ,
Ки «Тира шавад фарри шоҳаншаҳӣ.
Гаҳи рафтан омад ба дигар сарой,
Магар пеши Яздон беҳ ояд-т ҷой.
Нигар, то чӣ бояд кунун сохтан,
Набояд, ки марг оварад тохтан.
Ту носохта, сози рафтан кунӣ,
Танат зери гил дар нуҳуфтан кунӣ.
1 2 3 4 5 >>> |