|
Ҷилди II: ОМАДАНИ СИЁВУШ БОРИ
ДУВУМ БА ШАБИСТОН
Намонӣ ба хубӣ магар моҳро,
Нашоӣ касеро, ба ҷуз шоҳро.
Кунун духтарат бас, ки бошад маро,
Набояд ҷуз ӯ кас, ки бошад маро.
Бар ин бошу бо шоҳи Эрон бигӯ,
Нигаҳ кун, ки посух чӣ ёбӣ аз ӯ.
Бихоҳам ман ӯрову паймон кунам,
Забонро ба наздат гаравгон кунам,
Ки то ӯ нагардад ба болои ман,
Наояд ба дигар касе рои ман.
Ва дигар, ки пурсидӣ аз чеҳри ман
Биёмехт бо ҷони ту меҳри ман,
Маро офаринанда аз фарри хеш
Чунин офарид, эй нигорини пеш.
1 2 3 4 5 6 7 8 9 10 >>> |
