|
Ҷилди II: СӮҲРОБ
ОҒОЗИ ДОСТОНИ СӮҲРОБ
Чунон дон, ки дод аст, бедод нест,
Чу дод омадат, бонгу фарёд чист?!
Ҷавониву пирӣ ба назди аҷал
Яке дон, чу дар дин нахоҳӣ халал.
Дил аз нури имон гар огандаӣ,
Туро хомушӣ беҳ, ки ту бандаӣ.
Парастиш ҳамон пеша кун ё ниёз,
Ҳаме кори рӯзи пасинро бисоз.
Бар ин кори Яздон туро роз нест,
Агар дев бо ҷонат анбоз нест.
Ба гетӣ дар он кӯш, чун бугзарӣ,
Саранҷом ислом бо худ барӣ.
Кунун разми Сӯҳроб гӯям дуруст
Аз он кин, ки ӯ бо падар чун биҷуст.
1 2 3 >>> |
