 |
|
|
 |
Ихтилоф кардан дар чигунагӣ ва шакли пил Ҳин Узайро! Дарнигар андар харат,
Ки бипӯсидасту резида барат.
Пеши ту гирд оварем аҷзошро,
Он сару думму ду гӯшу пошро.
Даст неву ҷузв бар ҳам мениҳад,
Пораҳоро иҷтимоъе медиҳад.
Дарнигар дар санъати поразане,
К-ӯ ҳамедӯзад куҳан бе сӯзане.
Ресмону сӯзане на вақти харз,
Ончунон дӯзад, ки пайдо нест дарз.
Чашм бигшо, ҳашрро пайдо бибин,
То намонад шубҳаат дар явми дин,
То бибинӣ ҷомеъиямро тамом,
То биларзӣ вақти мурдан з-эҳтимом.
Ҳамчунон ки вақти хуфтан эманӣ
Аз фавоти ҷумла ҳисҳои танӣ.
Бар ҳавоси худ наларзӣ вақти хоб,
Гарчи мегардад парешону хароб.
50/229
|
|
|
|
|
|
|
|
 |
|
