|
|
 |
|
|
|
|
|
 |
Пятая тетрадь |
|
 |
Сабаби адовати ом ва бегона зистани эшон бо авлиёи Худо, ки ба ҳаққашон мехонанд ва бо оби ҳаёти абадӣБалки аз чафсидагӣ дар хону мон
Талхашон ояд шунидан ин баён.
Хирқае бар реши хар чафсид сахт,
Чунки хоҳӣ барканӣ з-ӯ лахт-лахт.
Ҷуфта андозад яқин он хар зи дард,
Ҳаббазо он кас, к-аз ӯ парҳез кард.
Хоса панҷаҳ решу ҳар ҷо хирқае,
Бар сараш чафсида дар нам ғарқае.
Хону мон чун хирқаву ин ҳирс реш,
Ҳирси ҳар кӣ беш бошад, реш беш.
Хону мони ҷуғд вайрон асту бас,
Нашнавад авсофи Бағдоду Табас.
Гар биёяд бози султонӣ зи роҳ,
Сад хабар орад бад-ин ҷуғдон зи шоҳ.
Шарҳи дорулмулку боғистону ҷӯ,
Пас бар ӯ афсӯс дорад сад адӯ
Ки чӣ боз овард? Афсонай куҳан,
К-аз газофу лоф мебофад сухан.
Кӯҳна эшонанду пӯсидай абад
В-арна он дам кӯҳнаро нав мекунад.
Мурдагони кӯҳнаро ҷон медиҳад,
Тоҷи ақлу нури имон медиҳад.
Дил мадузд аз дилрабои рӯҳбахш,
Ки саворат мекунад бар пушти Рахш.
Сар мадузд аз сарфарози тоҷдеҳ,
К-ӯ зи пойи дил гушояд сад гиреҳ.
Бо кӣ гӯям? Дар ҳамай деҳ зинда ку?
Сӯйи оби зиндагӣ пӯянда ку?
Ту ба як хорӣ гурезонӣ зи ишқ?
Ту ба ҷуз номе чӣ медонӣ зи шқ?
Ишқро сад нозу истикбор ҳаст,
Ишқ бо сад ноз меояд ба даст.
Ишқ чун вофисту вофӣ мехарад,
Дар ҳарифи бевафо менангарад.
Чун дарахт аст одамиву бех аҳд
Бехро тимор мебояд ба ҷаҳд.
Аҳди фосид бехпӯсида бувад
В-аз симору лутф бубрида бувад.
Шоху барги нахл гарчи сабз буд,
Бо фасоди бехи сабзӣ нест суд.
В-ар надорад барги сабзу бех ҳаст,
Оқибат берун кунад сад барг даст.
Ту машав ғирра ба илмаш, аҳд ҷӯ,
Илм чун қишр асту аҳдаш мағзи ӯ.
Страница 52/177
|
|
|
|
|
|
|
|
 |
|
|
|
|
Первая тетрадь