|
|
 |
|
|
|
|
|
 |
دفتر پنجوم |
|
 |
Ташнеъ задани умаро бар Аёз, ки чаро шикасташ? Ва ҷавоб додани Аёз эшонроГуфт Аёз: «Эй меҳтарони номвар!
Амри шаҳ беҳтар ба қимат, ё гуҳар?
Амри султон беҳ бувад пеши шумо,
Ё ки ин некӯ гуҳар? Баҳри Худо.
Эй назартон бар гуҳар, бар шоҳ на,
Қиблатон ғул асту ҷодай роҳ на.
Ман зи шаҳ барменагардонам басар,
Ман чу мушрик рӯй н-орам бо ҳаҷар.
Бе гуҳар ҷоне, ки рангин сангро
Баргузинад, пас ниҳад шоҳи маро.
Пушт сӯйи лӯъбати гулранг кун,
Ақл дар ранговаранда данг кун.
Андар о дар ҷӯ, сабӯ бар санг зан,
Оташ андар бӯву андар ранг зан.
Гар найӣ дар роҳи дин аз раҳзанон,
Рангу бӯ мапраст монанди занон».
Сар фуруд андохта он меҳтарон,
Узрҷӯён гашта з-он нисён ба ҷон.
Аз дили ҳар як дусад оҳ он замон
Ҳамчу дуде мешудӣ то осмон.
Кард ишорат шаҳ ба ҷаллоди куҳун,
Ки зи садрам ин хасонро дур кун.
Ин хасон чӣ лоиқи садри мананд?
К-аз пайи санг амри моро бишкананд.
Амри мо пеши чунин аҳли фасод
Баҳри рангин санг шуд хору касод.
Саҳифаи 174/177
|
|
|
|
|
|
|
|
 |
|
|
|
|
دفتریکوم