 |
|
|
 |
Ҷавоб гуфтани амир мар он шафеъонро ва ҳамсоягони зоҳидро, ки густохӣ чаро кард? Ва сабӯи моро чаро шикаст? Ман дар ин боб шафоат қабул нахоҳам кард, ки савганд хӯрдаам, ки сазои ӯро бидиҳамМир гуфт: «ӯ кист, к-ӯ санге занад
Бар сабӯи мо? Сабӯро бишканад?
Чун гузар созад зи кӯям шери нар,
Тарс-тарсон бигзарад бо сад ҳазар.
Бандаи моро чаро озурд дил?
Кард моро пеши меҳмонон хиҷил.
Шарбате, ки беҳ зи хуни ӯст, рехт?
Ин замон ҳамчун занон аз мо гурехт
Лек ҷон аз дасти ман ӯ кай барад?
Гир, ҳамчун мурғ боло барпарад.
Тири қаҳри хеш бар парраш занам,
Парру боли мурдарегаш барканам.
Гар равад дар санги сахт, аз кӯшишам,
Аз дили сангаш кунун берун кашам.
Ман биронам бар тани ӯ зарбате,
Ки бувад қавводагонро ибрате.
Бо ҳама солус? Бо мо низ ҳам?
Доди ӯву сад чу ӯ ин дам диҳам».
Хашми хунхораш шуда буд саркаше,
Аз даҳонаш мебаромад оташе.
149/177
|
|
|
|
|
|
|
|
 |
|
