|
|
 |
|
|
|
|
|
 |
|
|
 |
Дарёфтани табибони илоҳӣ амрози дину дилро дар симои мурид ва бегона ва лаҳни гуфтори ӯ ва ранги чашми ӯ ва бе ин ҳама низ аз роҳи дил, ки «иннаҳум ҷавосису-л-қулуб фаҷолисуҳум би-с-сидқ»Ин табибони бадан донишваранд,
Бар сиқоми ту зи ту воқифтаранд.
То зи қорура ҳамебинанд ҳол,
Ки надонӣ ту аз он рӯ эътилол.
Ҳам зи набзу ҳам зи рангу ҳам зи дам,
Бӯ баранд аз ту ба ҳар гуна сақам.
Пас табибони илоҳӣ дар ҷаҳон
Чун надонанд аз ту бе гуфти даҳон?
Ҳам зи набзат, ҳам зи чашмат, ҳам зи ранг,
Сад сақам бинанд дар ту бедиранг.
Ин табибони навомӯзанд х(в)ад,
Ки бад-ин оёташон ҳоҷат бувад.
Комилон аз дур номат бишнаванд,
То ба қаъри боду будат бардаванд.
Балки пеш аз зодани ту солҳо
Дида бошандат туро бо ҳолҳо.
68/140
|
|
|
|
|
|
|
|
 |
|
|
|
|
