Меҳмон
TJ | FA | EN | RU
Меню

Поэты классиков

Корпус Рудаки
Корпус Мавлоно
Пайкараи Ҳофиз
Шоҳномаи Фирдавсӣ
Корпус Саади Шерози

Современные поэты

Курпус Лоика Шерали
Муъмин Қаноат
Ҳабибулло Файзулло
Поиск

Воридшавӣ
 Номнависӣ
Исм: 
Рамз: 
     
Книга наставление
Всевышний спас меня от горя, четыре качества мне дав:
Прославленное имя, разум, здоровье и хороший нрав.
Любой, кому даны всевышним четыре качества такие,
Пройдет свой долгий путь без горя, людских печалей не узнав.
Рудаки
www.termcom.tj
Сделать стартовой
Добавить в избранное
Пишите нам!
О сайте
 

Корпус Лоика Шерали
1941 - 2000


Ғазалиёт

* * *

Гар ману ту мо набошем , аз тую аз ман чӣ суд?
Баҳмани миллат набошад, шӯриши Баҳман чӣ суд?

Ту дар он ҷо, ман дар ин ҷо ҳамдигарро мехурем,
Гар хирадмон тира бошад, тир сад хирман чӣ суд?

Даст андар даст баҳри ормонҳои бузург
Шевае аз худ надорем, аз ҳама шеван чӣ суд?

Юсуфи озодиро ихвон ба чоҳ андохтанд,
Пири давроно, кунун аз бӯи пироҳан чӣ суд?

Марди миллат дарди миллат бор овард, эй дареғ!
Мард номард уфтад, аз оҳу воҳи зан чӣ суд?

Хуни Бӯмуслим чу дар рагҳои мо хушкидааст,
Аз намоишҳои пучи кӯчаву барзан чӣ суд?

Кӯра яхбандону яксар дамгараш дамкӯтаҳанд,
Мурдаанд оҳангарон, аз зарбаи сӯзан чӣ суд?

Ҷони мо гарчи атое буда аз ҷонофарин,
Ҳолиё дар дасти дигарҳост, ҷон кандан чӣ суд?

Чоши гандум, чоши зар, харвори пурбори хирад
Рафт бар боди фано, аз донаи арзан чӣ суд?

Махзани мо – миллати мо, ваҳдати мо, асли мост,
Лек з-он махзан, ки бошад моли сад раҳзан, чӣ суд?

Пушти сангарҳо зи баҳри тахт – ин тахти сақат!
Аз ду сӯ тоҷик мирад, аз чунин будан чӣ суд?

Миллати тоҷик агар мирад, на ту монӣ, на ман,
З-ин чунин меҳан, ки шуд маҳви ду-се кавдан, чӣ суд?

Ту ба ҳирмон, ман ба зиндон, сӯхтанҳойи абас...
Нестем ар якмарому якдилу яктан, чӣ суд?

Рӯҳи мо якто агар не, роҳи мо кай як шавад,
З-ин ду-се мағзи ақиму ақли астарван чӣ суд?

Мо ки аз як тухмаему тухмаи озодаем,
З-ин парочидан чӣ суду, з-ин карошидан чӣ суд?

Нест гар дар синаи мо матлаъи фардои мо
З-офтобе ки ҳамебинем аз равзан, чӣ суд?

Дар замини мо агар уммеди мо ҳосил надод,
Гар расад сад сол ёриҳо зи пироман чӣ суд?

Мағзи ту гар хушк бошад, хушксолӣ оварӣ,
Пур кунӣ аз чормағзи пуч сад доман, чӣ суд

Гар илоҷи дарди мо як несту омоҷи мо,
Хоҳ худро дӯст бинмоӣ ва ё душман, чӣ суд?

Рӯзи зӯромад агар халқат набошад пуштбон,
Аз дусад баргустувону айбаву ҷавшан чӣ суд?

Бар алайҳи халқи худ гар дастандозӣ кунӣ,
Дастгират гар бувад сад анд Аҳриман, чӣ суд?

Гар ватанхоҳӣ ба қасди ҳамдигар ҷангидан аст,
З-ин ватанхоҳӣ чӣ суду даъвии меҳан чӣ суд?

Ман дар ин ҷо зодаам, ин ҷо ба марг омодаам,
Ваъдаям гар мекунӣ сад водии айман, чӣ суд?

Рӯи санге маъманам шуд, зери санге мадфанам,
Сад биҳиштам гар сафогоҳ асту гар маъман, чӣ суд?

13.03.1996

 
Новые статьи
Ояндаи Точикистон
Пояҳои густариши забони миллӣ.
Қоидаҳои созиш.
Забони илмӣ ва забони адабии миллӣ.
Масъалаҳои стандартсозӣ.
Забон рукни асоситарини давлатдорист.
Наши друзья
www.cit.tj - Школа информационных технологий и телекоммуникаций
ЗАО "Babilon-T"
Детский фонд "Ошёни баланд" имени М.Турсунзаде
 
   
© 2006-2007 termcom, shuk_design. All Rights Reserved
764025, Республика Таджикистан, город Душанбе, х. Рудаки 33
тел: (+992 37) 227 28 52; E-mail: info@termcom.tj