Меҳмон
TJ | FA | EN | RU
Меню

Поэты классиков

Корпус Рудаки
Корпус Мавлоно
Пайкараи Ҳофиз
Шоҳномаи Фирдавсӣ
Корпус Саади Шерози

Современные поэты

Курпус Лоика Шерали
Муъмин Қаноат
Ҳабибулло Файзулло
Поиск

Воридшавӣ
 Номнависӣ
Исм: 
Рамз: 
     
Книга наставление
К добру и миру тянется мудрец,
К войне и распрям тянется глупец.
Рудаки
www.termcom.tj
Сделать стартовой
Добавить в избранное
Пишите нам!
О сайте
 

Корпус Лоика Шерали
1941 - 2000


Ғазалиёт

* * *

Кай ҳама ҷангу моҷаро гузарад,
То азоби ману шумо гузарад?

Ё Баҳоваддини балогардон,
Ҳеҷ донӣ бо мо чиҳо гузарад?

Сад бало омадаст бар сари халқ,
Як бало кун, ки сад бало гузарад.

Осмон косаест воруна,
Зери он умр бенаво гузарад.

Моҳи нима чу ними нон тобад
Гар шабе аз раҳе гадо гузарад.

Ин ҷаҳон кафши куҳнаро монад
Чун зи пешам бараҳнапо гузарад.

Эй зараргор, то зар андӯзӣ,
Обат аз кӯзаи тило гузарад.

Халқ гушнаст, эй шикамбора,
Аз гулӯят чӣ сон ғизо гузарад?

Ҳар куҷо ҳизб, кизб низ он ҷост,
Ҳизббозӣ куҷо ба ҷо гузарад.

Марги мо ҷуз маҳалгароӣ нест,
Зудтар кош ин вабо гузарад.

Мазҳабе ҷуз талоши мансаб нест,
Магар ин дарди бедаво гузарад?

Дар гадоӣ тавон ба сахтӣ сохт,
Кай азоби ватангадо гузарад?

Бар сари ин шикастаболон кай
Сояи шаҳпари ҳумо гузарад?

Кош ин халқи хештаннашнос
Боре аз хотири худо гузарад.

Давлати ҳамситораҳо бошад,
Савлати беситораҳо гузарад...

7.01.1995 – Бемористон

 
Новые статьи
Ояндаи Точикистон
Пояҳои густариши забони миллӣ.
Қоидаҳои созиш.
Забони илмӣ ва забони адабии миллӣ.
Масъалаҳои стандартсозӣ.
Забон рукни асоситарини давлатдорист.
Наши друзья
www.cit.tj - Школа информационных технологий и телекоммуникаций
ЗАО "Babilon-T"
Детский фонд "Ошёни баланд" имени М.Турсунзаде
 
   
© 2006-2007 termcom, shuk_design. All Rights Reserved
764025, Республика Таджикистан, город Душанбе, х. Рудаки 33
тел: (+992 37) 227 28 52; E-mail: info@termcom.tj